✓ مەولەوی
تۆ ئیند نازکیت جە حەد ویەردەن
بینایی خەیاڵ ڕاگەش گوم کەردەن
✓ مەولەوی
هیجرانت جە تەرح بادی وەیشوومی
یەکایەک ئەوراق جەسەی «مەعدوومی»
کەرد وە فەرشی ڕای گوزەرگای یاران
بەرد پەی پای هەردان سارا و کۆساران
واتە: دووریت وەک بای تووندی پاییز یەکەیەکەی گەڵای لەشی مەعدوومی (مەولەوی) ـی وەراند و کردی بە فەرشی ڕێگای گوزەرکردنی یاران و گەیاندییە داوێنی دەشت و شاخەکان.
✓ مەولەوی
فیدای شێوەت بام جەمین پەڕەی گوڵ
دڵ جە تاسەی تۆ دایم مدۆ چڵ
ماتم وێنەی سەنگ، زەردم چون خەزان
دایم پێچ مدەو چون مارانگەزان
گەستەی مار خاسەن ساتێ دوو ساتەن
ئەر نەمرۆ زیندەی ڕووی سەر بساتەن
ئەما من دەردم چون دەردەداران
دایم هەر وە سۆن چون گەستەی ماران
جە هیجرانی تۆ هەر سات مەرگمەن
قەترە قەترەی زووخ نە ڕووی جەرگمەن
✓ دەنگی کوردی
قوربان قوربانەن، جەژنەن، شادییەن
دەس نە گەردەنەن، ڕۆی ئازادییەن
ھەی دەس بۆس دەس بۆس وەش نیگارانەن
خەیر پا بۆس پا بۆس خاتر دارانەن
کۆن کوشتێ و باردێی گوڵ جەمینانەن
ھەی سەر، ھەی ئەڕواح دڵ خەمینانەن
ھەرکەس گیان وە کەف پەی نیگارێوەن
ھەریەک قوربانیی وەفادارێوەن
سیوای سەودایی ھەراسانەکەت
مەحرووم جە کەفتەی پای ئاسانەکەت
نە پەی چەم سورمەی گەردی پاڵاتەن
نە پەی گیان قوربان بەژنی باڵاتەن
مەرد پەی ئۆسا دەی بێدرێغەکەت
بسم الله تەکبیر دەس بە تێغەکەت
پەی قوربانکەردەی ناڵە نەی ڕەنگ بەی
چێش مبۆ ئەر بەی وەی پەی من ئەر نەی
سا تۆیچ من وەرە، وە قوربانی کە
من وە قوربانی ڕای ڕەببانی کە
ئەوسا تۆیچ پەی وێت خەیرێت کەردەبۆ
منیچ کەمتەر زووخ دەردم وەردەبۆ
«مەعدوومی» بەدبەخت ناتەمامەنی
ڕاسەن بێدەوڵەت خەیاڵ خامەنی
قوربانی مشیۆ جە عەیب بەری بۆ
فیدایی پەسەند ڕای دڵبەری بۆ
تۆ پا شکستەی بەردی ھەردەی دەرد
چەم کۆری مەینەت، تەن زایف، ڕەنگ زەرد
خەیاڵێت کەردەن جە ڕووی نادانی
چ لایق وە تۆن ڕوتبەی قوربانی
✓ مەولەوی
لە سەدای نەبات لە چریکەی فەرەج
لەسەر مەلا و شێخ نەماوە حەرەج
✓ مەولەی
هیچ کەس نەواچۆ وە فەرهاد ڕەندەن
نەقشی شیرینش نە ڕووی سەنگ کەندەن
دەک ڕێزان دەس با وەر جە گیان سەندەن
کێ ئەڵماس نە ڕووی دیدەی وێش شەندەن
✓ مەولەوی
تەن وە دڵ، دڵ جان، جان بی وە جانان
✓ مەولەوی
قوربان ئەر چەندێ نامام وە لاتان
چەم ڕۆشن نەوی وە گەردی پاتان
هەی ڕۆ نەواچان ئەو غەم پەروەردە
ئەڵبەت مەیلمان نە دڵ بەر کەردە
خەیر وەڵڵا تا گیان نە تۆی قەفەس بۆ
کەمکەم ئامۆشۆی ئامای نەفەس بۆ
حەیاتم وە مەیل باڵای یارانەن
مەیلم هەر ئەو مەیل هەردە جارانەن
✓ مەولەوی
تا دڵ وە تەمای ئەو ترفەترفەن
"نحو"ـم هەر مەحوەن "صرف"ـم بێسەرفەن
واتە: تا دڵ بەتەمای شەوق و بریسکەی ڕوخساری یار بێ، نە کەڵک لە خوێندنی عیلمی نەحو وەرەگرم و نە خوێندنی عیلمی سەرفم قازانجێکی ئەبێ.
ڤەژینبوکس