٣٥٢٩
✓ دەنگی کوردی
- دەنگ: عەدنان کەریم
- شیعر: وەلی دێوانە
هەی شەمی شەوان هەی شەمی شەوان
ھەی شەمی بەشەوق چلچرای شەوان
ھەی ژیانی من ھەی ڕۆحی ڕەوان
ھەی گلێنەیی دیدەی بێخەوان
ھەی عەنبەرینخاڵ سۆسەنیکڵاف
ھەی ڕووناکایی ڕەشماڵانی جاف
ھەی من پەروانەی پەڕسووتاوی تۆ
ھەی من گیرۆدەی زوڵفی خاوی تۆ
تۆ جارێ نایەی بۆ سەر وەختی من
گوێ نادەی بە ئاھ، زامی سەختی من
ناپرسیت ئاخۆ من بۆ تۆ چۆنم
بێباکی لە تین قرچەی دەروونم
ھەوای کوێستانت وا بۆ بووەوە
حەیفت کرد منت لەبیر چووەوە
بێمروەتیت کرد ھەی شەم دەربارەم
من بۆ تۆ قەیسی سیاستارەم
وادەی من و تۆ دیوانی خوا بێ
مەگەر ئەو ڕۆژە دادم ڕەوا بێ
شەمی ڕوومەتشەم تۆ بەسەلامەت
سکاڵای دڵم کەوتە قیامەت
+ بڵاو کرایەوە لە 2019/7/14 ـدا کاتژمێر 0:18 بەدەستی مانگەشەوی زرێبار
|
ڤەژینبوکس