٤٠٣٥
✓ دەنگی کوردی
- دەنگ: قادر ئیلیاسی (1961)
- شیعر: پەرتەو کرماشانی (1931)
ئاوارەگەی بیچارەگەی، بیخانمانم ئەرمەنی
ماڵد نیەزانم ها لە کوو، ڕووح و ڕەوانم ئەرمەنی
ترسم وە گەردم تا نەکەی، بویشی بچوو، دەر وا نەکەی
ئمجا، م دی، دیوانەگەی ئاگر وە گیانم ئەرمەنی
تو بەو مسڵمانی بکە، لەی گاورە مهمانی بکە
هەرچی ک خوەد زانی بکە، م ناتوانم ئەرمەنی
بیخود ئەڕا ترسی؟ خوەمم، قورسە دەمم، خاترجەمم
مانگەشەوە سایەی خوەمە، ها شان وەشانم ئەرمەنی
نەویش ئەو قەرە چشتی نییە، دەر واکە، بارم کەفتیە
هەر یەی چکەی نەزری بکە، تەڕ بوو زوانم ئەرمەنی
ئەر یەی کەسی لە دژمنی پرسی: "ئییە وە کوورە سەنی؟"
وە گیان هەر چی کافرە، ئویشم نیەزانم ئەرمەنی
پشتم لە بار دەرد و خەم شکیا، نیەزانم چە بکەم
دەردم یەسە لە ماڵ خوەم، بیخانمانم ئەرمەنی
ڕووژ و شەوم جوور یەکە، دەر وا کە، مەئیووسم نەکە
ئاخە وە ناشەڕ تازە م، جییەڵ جوانم ئەرمەنی
دەر واکە زویتر «پەرتەوە»، مهمانەگەی ئاخر شەوە
یەی شیشە لە و بەدمەسەوە، پڕ کە بزانم ئەرمەنی
ڤەژینبوکس