٤١٦٠
✓ دەنگی کوردی
- دەنگ: نەجمەدین غوڵامی (1958)
- شیعر: گۆران (1904 - 1962)
هەرچەن هاڕەی دێ هەیاسەی جوانێک
لە هێلانەی دەم ئەفڕی ئامانێک
ژنی هەورامان سەرتاپای خشڵ
سەرچاوەی بۆنی مێخەک و سمڵ
«سیاچەمانە... سیاچەمانە... »
بەهەشتی عەشقە ئەم هەورامانە
تا بڵێی تەڕپۆش، ئاڵ و واڵا جل
بەژن و باڵا جوان، بەدەن نەرم و شل
نیونیگای خەندەی ئەستێرەی ئەمەل
نەغمەی گفتوگۆی وەک جریوەی مەل
عەشقی ئێوارەی سەرەڕێی کانی
بەر ئەداتە چەم کڵپەی گۆرانی
ڕۆژ ئاوا ئەبێ، چەم تاریک دایە
دەنگی «کنا لەیل» هەر دوایی نایە
مانگ بە تریفەی ناودێ ئەکا کەیل
هێشتا هەر گەرمە ناڵەی «کنا لەیل...»
ئەوەندەی دار و بەردی هەورامان
ڕەحمەت لە ژنی بەژن و باڵا جوان
+ بڵاو کرایەوە لە 2021/1/3 ـدا کاتژمێر 22:16 بەدەستی مانگەشەوی زرێبار
|
ڤەژینبوکس