✓ موحەممەد ساڵح دیلان (1927 - 1990)
من برۆی پەیوەستی ئەو نازدارە شیر و تیرمە
پرچی لوول و زوڵفی ئاڵۆز کۆتە و زنجیرمە
قوژبنی مەیخانە دایم گۆشەیی تەدبیرمە
سوجدەبردن بۆ نیگایە کردەوە و تەفکیرمە
کەی بە سەیحەی من ئەگا جزبەی موریدی خانەقا
شەیخی ئەو پیر و موسینە من جوانێ پیرمە
✓ موحەممەد ساڵح دیلان (1927 - 1990)
کڕێوەیە لەو ملانە بەفری شاخ
سپیکاری خۆی گەیانە پشتی باخ
بەفر باری سەرپۆشی کێو نەخشانە
لە کلیلە کێوماڵکردن گرانە
کێ ئەگاتە دەرەی سەختی پشتی کێو
ڕەز داپۆشرا سەهەن گەیشتە سەر مێو
چ لوورەیە لوورەی بای زەمهەریرە
چیا سپی لووسە وەک چوڕی شیرە
لەبەر دێدا شەڕەتۆپەڵ هی گەنجە
سنگ بۆ کوانوو چۆقە جێگەی سەرنجە
خۆراکی ڕۆژ خواردەمەنی کوێستان هات
بەفر و دۆشاو ڕەش و سپی زستان هات
چلەی جاران شێرەبەفرینەی جاران
کوایت چیت لێ هات بۆ چوویتەوە بە باران؟
✓ دەنگی کوردی
ئەی گوڵی ئاوات، گەشەت بێ و پێ کەنە
نەختێ نرخ و فەڕ بدە بەم چیمەنە
گیان پەرۆشی بۆنی ئێوارانتە
سەر پەرێشانی پیاڵەی گوڵشەنە
کوا لە کوێیە بولبولی سەوداسەرت
بۆ چی بێئاواز و سۆزی دەگمەنە
گوڵ وتی ئاسمانی پاکی نیشتمان
پڕتەم و هەوری بەد و ناڕەسەنە
وا لەژێر تینی گڕی داگیرکەرا
هەردەیی ڕەنگینی خاکم ڕووتەنە
سەیری پەنجەی دوژمنی تینوو بەخوێن
نەوگوڵی لاوان ئەکاتە دەسکەنە
پێ کەنە ئەمڕۆ لە جێگەی دەست و پێ
بۆ قەفی زنجیری دوژمن گەردەنە
وا لە جێگەی ناز و ناڵینی کەمان
هەر زڕەی زنجیر و زرمەی پێوەنە
✓ دەنگی کوردی
دەنگ: ناسر ڕەزازی
شیعر: ڕەزا حەمە - موحەممەد ساڵح دیلان
دنیا خهمه ژیان ژانه
بو شارهکهی بههاری سوور
هیرۆشیمای کوردستانه
ههڵهبجهی دایکی شارهزوور
کۆرپه به بێشکه و لانکهوه
منداڵ به سینگی دایکهوه
بو یادی نهورۆزی ئهمساڵ
سووتان و بوون به کۆی زووخاڵ
مهرجه ههموو بهرد و داری
ههڵهبجهی تینووی ڕزگاری
دهکهینه خهنجهری تۆڵهی
بهر پشتێنی کوردهواری
بە تێکۆشان لە ڕێی مافی گەل و ئەو خاکەدا مردم
نەڵێی مەرگی کوڕم تووشی پەژارە و شیوەنی کردم
دەبێ ئەو کاتە دڵشاد بی کە کورد و باوەڕی بەرزی
بە سەربەرزی لە باوەشتا بەرەو ئەم ڕێگەیەی بردم
ئەی تریفەی مانگەشەوی زیوینی ئاسمان
بۆ بە تۆزقاڵ، جاربەجارێ، خۆت ئەدەی نیشان
دەربکەوە ڕووناکی پاک بەرە سەرینم
بۆ ڕووناکە زیندانی تار ژووری کەمینم
ئەوە زنجیر ژووری تاری تا پایی زیندان
هاودەنگمە و مۆسیقامە بۆ شەوی لێدان
ئەوە ئێستا پێچەوانە من لەجیاتی تۆ
لە قەفەسدام ئێشکچێتیم گرتۆتە ئەستۆ
بەڵێ دەردم زۆر گرانە، پەرۆشە گیانم
بۆ ئامانج و بۆ هیوایە، بەندی زیندانم
تا ئەو ڕۆژەی چوار ئێسکەکەم دەخرێتە ناو چاڵ
بۆ کوردستان دەسووتێم و دەبم بە زووخاڵ
ڤەژینبوکس