٤٥٦١
✓ دەنگی کوردی
- دەنگ: موختار شەفیعی
- شیعر: شەهاب کاکۆزەکریایی
جەماڵێوەم دیەن یاران تەعالا سونعی ڕەببانی
مەلاییک یا پەریزادەن بە وێنەی شکڵی ئینسانی
یەدەینش چوون یەدی بەیزا دوو ئەبرۆش نەقشی بیسمیللا
دوو دیدەش نەرگسی شەهلا و ما زاغ البصر خوانی
بە عاریز مەشعەلی نوورەن بە باڵا شەمعی کافوورەن
جەبینش مەتلەعی نوورەن پەرێ ئەمواجی نوورانی
بە گۆنا یۆسفی چاهەن بە خەت خزر و بە ڕوو ماهەن
بە لەب عیسای مەسیحا هەن مەبەخشۆ ئاوی حەیوانی
بە دەندان شەککەر و قەندەن بە باڵا شۆخ و دڵبەندەن
هەزار دڵ پەیش ئەرامەندەن یەکێ چوون پیری کەنعانی
جە دەفتەرخانەیی شاهیش هەزاران سەد هەزارانەن
نییەن مەیلش جە کەس پەرسۆ عیراقی یا خوراسانی
دوو مشکین قەوسی ئەبرۆشەن ڕیدایی دڵبەریش دۆشەن
«شەهاب» ـش پەی سیاپۆشەن خودا وینۆش بە ئاسانی
+ بڵاو کرایەوە لە 2023/4/7 ـدا کاتژمێر 0:49 بەدەستی مانگەشەوی زرێبار
|
ڤەژینبوکس