٣١٥٧
✓ ئاسۆ خەبات
هەستە کیژی پەنجەسووری قژڕەشی لێوئاتەشین
هەستە بە سواری شەپۆلان تۆزێ شادی دابەشین
ئەم وڵاتە بێ بزەی تۆ مات و تاریک و ڕەشە
تام و بۆنی ئەم ژیانەی هەستە بۆنت دابەشە
هەستە وەک شاکیژی قەندیل پێ بنێ سەر چاوی من
هەستە دادە، هەستە دایە، هەستە تین و تاوی من
چۆن نەبم قوربانی بسکی شەختەگرتووی نێو ڕنوو
ئەو کچەی کۆشکی لە شاخە و تیشکی بۆتە ئارەزوو
ئەو کچەی تا دوێنێ دیل بوو ئێستە هیوای میللەتە
موژدە بێ "هێمن" کچی کورد دژ بە زنجیر و پەتە
+ بڵاو کرایەوە لە 2018/9/16 ـدا کاتژمێر 22:22 بەدەستی مانگەشەوی زرێبار
|
ڤەژینبوکس