٣١٥٣
✓ ...
من هێمنم و ئەڵێم
کەی ڕەوایە بمدەنە بەر گوللە یا ڕاوم بنێن
گەر گوتم کوردم لە کوردستانی خۆم ژینم دەوێ
کورد مەگەر کوندە کە هەر وێران ئەبێ هێلانەکەی
نیشتمانی ئاوەدانی جوانی ڕەنگینم دەوێ
زۆر بەئاواتم کە کوردستانەکەم بێ کێشە بێ
ئاشتیخوازم کوا وڵاتی پڕ ڕق و قینم دەوێ
من قانێعم و ئەڵێم
گرتن و لێدان و کوشتن عامیلی ئازادییە
تۆپ و شەستیر و کەلەپچە لام وەکوو ئەفسانەیە
من هەژارم و ئەڵێم
هەتا کوردستانی ڕەنگین لە دوژمن پاک نەکەینەوە
بیر لە خۆمان ناکەینەوە ئاوڕ بۆ دوا نادەینەوە
من هێمنم و ئەڵێم
من لە زەنجیر و تەناف و دار و بەند باکم نییە
لەتلەتم کەن بمکوژن هێشتا دەڵێم کورد ئەمن
من قانێعم و ئەڵێم
گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە
من هەژارم و ئەڵێم
ئاخ چەندە خۆشە لەسەر ئازادی
تووشی خەم ببی، لەدەس دەی شادی
+ بڵاو کرایەوە لە 2018/9/8 ـدا کاتژمێر 23:4 بەدەستی مانگەشەوی زرێبار
|
ڤەژینبوکس