٢٩٤٢
✓ ئاسۆ خەبات
من ئەو چەکەم لە قەندیل شەو و ڕۆژان لەسەر پێم
من ئەو گڕە بەتینەم کە بۆ خاکم دەسووتێم
لێ گەڕێن با تیری تۆڵەم هەڵدڕێ سینگی ئەوان
با بڵێسەی بیری ئاڵام دادڕێ پەردەی شەوان
دوژمنانی خاک و زێدم یەک بە یەک چاڵتان دەکەم
ئێرە ئاسمانی شۆڕشە، بشفڕن باڵتان دەکەم
من گریلام، من گریلام، خوێنم بەفراوی سڕە
ماڵی من دووندی چیایە و باوەڕم قین و گڕە
ها وەرە ئەی دوژمنی کورد بمکوژە من نامرم
من ترۆپکی تیشکی تۆڵەم، دەتسووتێنێ ئاگرم
خاک و ئاڵام بیر و تیرم، نامرن زیندوون لەوێ
پڕ بە قەندیل، پڕ بە سەنگەر، هەر دەڵێن ژینن دەوێ
+ بڵاو کرایەوە لە 2018/2/5 ـدا کاتژمێر 21:30 بەدەستی مانگەشەوی زرێبار
|
ڤەژینبوکس