٣٤٦٧
✓ دەنگی کوردی
- دەنگ: خالید ڕەشید
- شیعر: پەشێو
سەرمای گەلێ شارانم دی
بەڵام پەنجەم لەگۆ نەچوون
چونکە سەرمای هەموو جێیە
تیشکی ڕۆژی نیشتمانی منی تیایە
گەرمای گەلێ شارانم دی
بەڵام گیانم وەڕەز نەبوو
چونکە گەرمای هەموو جێیە
سروەیەکی نیشتمانی منی تیایە
چاوی کچی ئەورووپایی گەر شینیش بێ خۆشم ئەوێن
وا تێ دەگەم شینترین چاو و سەوزترین چاو لەم دنیایە
تۆزێ ڕەشیی چاوی کچی نیشتمانی منی تیایە
نیشتمانم تۆ وەک تانەی، تۆ وەک تانەی لەسەر چاوم
تۆ وەک تەمی لە گشت لاوە، لە گشت لاوە دەورەت داوم
تۆ ئاوێنەی لەناو تۆدا هەموو دنیا بەدی ئەکەم
تۆ تەیمانی بەهۆی تۆوە هیچ نابینم
نە کەل دەبینم نە زەوی، نە خوا دەبینم نە ئاسمان
جا نازانم نیشتمانم نە جیهان وەک تۆ بچووکە
نە تۆش گەورەی بەقەد جیهان
+ بڵاو کرایەوە لە 2019/5/21 ـدا کاتژمێر 1:49 بەدەستی مانگەشەوی زرێبار
|
ڤەژینبوکس