✓ ڕەئووف جەهانی

  • پەیڤکاتۆر
    • کوتەک ئەزانێ حەق بۆ چی ئاوسە!️
    • دەستی ماندووە لەسەر سکی شێرە!
    • برسێتی لە ماڵی دەوڵەمەنددا لەبرسا مرد!
    • کەڵەشێر ئەڵێ قووقەی من شەو ئەشواتەوە!
    • هەر ئێستا لە بەخاکسپاردنی دوو کۆرپەلەی ئاواتی نوێم هاتمەوە.
    • سپیترین شیعر بە یەخەی چارەڕەشترین کەسەوەیە.
    • برایەتیی بەرپرسی نەزان و خەڵکی دڵسۆز نابڕێتەوە!
    • شوورای شاری مەریوان گرەوی لە بوومەلەرزە بردۆتەوە!
    • بووک و زاوا ناتوانن لە زەماوەندی خۆیاندا پڕبەدڵ هەڵپەڕن، ئەی بۆ چی دەعوەتن؟
    • شوورای شارەکەم ئەڵێی باوەپیارەیە، بەس چاو زیت ئەکاتەوە!
    • گوێم لە قاڕەقاڕکردنی کۆتری ئاشتییە.
    • تا بارانێکی زۆر نەباری، نەمزانی بەرپرسان هەموو کاراسانییەکیان بۆ لافاو کردووە.
    • کە دادپەروەری کەوتە نەخۆشخانە، دوکتۆر مردبوو.
    • شەق بە حەق ئەڵێ شێوەت ئەکەم، جەنابیشت چەتەی؟
    • لێوانلێوم لە هەناسەساردی، هاوینیش گەرمم نابێتەوە.
    • لافاو بەزەییی بە ماڵی بەرپرساندا نەهاتایەتەوە، ڕوویی تێ ئەکرد.
    • خاڵخاڵۆکە بەدوای ماڵی خاڵیی خۆیدا وێڵه.
    • شووتی شووی نییە.
    • درۆ ماڵەباوانی بەرپرسانە.

Kurdish_Poetry