✓ هەژار (1921 - 1991)

پێشمەرگەم و بۆ ڕزگاری نیشتمانم لە خەباتم
دوژمن هەرچەند بەهێزیش بێ دەبێ دەرچێ لە وڵاتم

گوللەتۆپ و بۆمبا و ئاگر کار لە بیر و بڕوا ناکەن
ماڵ و سەر و خوێن و گیانم قوربانی ئەم ئاو و خاکەن

زۆر لەمێژە کورد ئەکوژرێ، لە مەیداندا خوێنی دەڕژێ
شار و گوندی وێران دەکرێ، مێشکی کیژ و لاوی دەپژێ

بەڵام لاوی کورد لە مردن سڵ ناکات و خۆڕاگرە
بیر و بڕوای کوردایەتی بۆ گیانی دوژمن ئاگرە

Kurdish_Poetry