٤٥٣٠
✓ شاهۆ (1882 - 1971)
کوردینە ئێوە بن و خوا، یەک کۆمەڵ و یەک بن هەموو
دوژمن مڵاسی گرتووە با دەستلەمل یەک بن هەموو
پێویستە گشت کۆ بینەوە، یەک بیر و بڕوا، پێکەوە
هەنگاو بنێین بۆ پێشەوە، یەک کۆمەکی یەک بن هەموو
ئەم ڕاپەڕین و کۆششەی، ئەم خوێنڕژان و شۆڕشەی
بۆ کورد و کوردستانە گشت، با پشت لە پشت یەک بن هەموو
ئێستاش بزانن بۆ ئەوەی، کورد مافی خۆی زوو دەست کەوێ
پێویستە گشت ئامادە بن، پڕهێز و پڕچەک بن هەموو
«شاهۆ» تکاتان لێ ئەکا ئێوە بن و تەنیایی خوا
هەر یەکیەتی چارمان ئەکا، جیا مەبنەوە یەک بن هەموو
+ بڵاو کرایەوە لە 2022/10/27 ـدا کاتژمێر 20:20 بەدەستی مانگەشەوی زرێبار
|
ڤەژینبوکس