٣٠٧٠
✓ ناسر حیسامی
وەنەوشەی لارەمل، قاچی تەزیوە
تەزووی کوێستانی قەت ئاوا نەدیوە
لەگەڵ شەوبا سەمای گەرمە بەڕوودار
گەلێک جاران گەڵای لێ هەڵوەریوە
✓ پۆڵا نانەوازادە
بە با و بۆران و تەرزەی لای بەهارێ
تەزووی کوێستان و شەختەی سەر هەوارێ
نەوەستاوە دڵی ئەم تاقەدارە
لە لێدانێ بەرەو دیداری یارێ
✓ هەوراز مەریوان
لە با و بۆران ئەمن هەروا بەپێوەم
بەناو دارم بەڵام عاشق بە ئێوەم
بەزاهیر پێم لەنێۆ عەرزا چەقیوە
بەدڵ ئەمما بەرەو لاتان بەڕێوەم
+ بڵاو کرایەوە لە 2018/6/1 ـدا کاتژمێر 16:31 بەدەستی مانگەشەوی زرێبار
|
ڤەژینبوکس