٢٨١٩
✓ ئاران
تۆ شەهیدی نیشتمانی و مەشخەڵت بووژاندەوە
ئاگری ئاورگی ئاڤێستاییت هەڵگیرساندەوە
کوردەواری هۆرەی ئازادی و ئەوینی خۆی چڕی
تۆ بە ئەم گۆرانی گەرمی خوێنە بۆت ئەستاندەوە
پردی پێوەندی ئەوین واژۆیەکی تۆی پێ دەویست
گیانی خۆت پێ بەخشی و پێوەندەکەت سازاندەوە
بوولەرەی کەرکووک بوو کرماشانی ئاوا توند هەژاند
مەرگی تۆ سێبارە پشتی میللەتی لەرزاندەوە
هەر لە کرماشان هەتا بۆکان سڵاوت لێ دەکەن
کۆڕی یەکڕیزیت لە کوردستان ئەوا ڕازاندەوە
خزمەتی خەڵک هەر بە دارایی و سەرۆکبوون خۆ نییە
ڕووحی گەورەت ڕاستەقینەی ئەم قسەی سەلماندەوە
گەرچی زریان، هەستی وەرزی ساڵەها تاساندبوو
نەوبەهاری کوردی ئەمما کۆچی تۆ ڕاساندەوە
+ بڵاو کرایەوە لە 2017/11/18 ـدا کاتژمێر 20:40 بەدەستی مانگەشەوی زرێبار
|
ڤەژینبوکس