٢٨١١
✓ ئاران
بە ناوی تۆ قەسەم دنیا ئەگەر وێران ببێ هەر دێم
بە چاوی تۆ قەسەم دنیا ئەگەر وێران ببێ هەر دێم
لەسەر دەستی هەبوونی تۆ دەخۆم سوێندی ئەوینداری
نەمێنێ گیان و هەم ڕێگا ئەگەر وێران ببێ هەر دێم
بە پەیمانێک کە بەستوومە لەگەڵ بەستەی وەفاداریت
ئەگەر بشکێ دەس و پێ و ڕێی سەفەر وێران ببێ هەر دێم
بە هەست و سۆزێ وا ویستوومە لەم هەڵبەستە نوێیەمدا
هەوارت کێوی قاف، تووران و گەر ئێران ببێ هەر دێم
گەلێ ڕژد و گەوە و هەڵدێر و زۆزانم لە پێشدایە
بە گشتیان سوێند ئەگەر ئیمان و گیان و سەر بچێ هەر دێم
زەمانە هیچ بوارێکم نەدات و پاک هەڵم بوێرێ
وەکوو سێبەر، لە ڕێی خەون و بەپێی خولیا، بەبێ سەر دێم
دەرۆستی ئەو دڵەم نایەن سەدان کۆسپ و هەزار لەمپەر
لە ئەم چاڵی نەهاتەش هەر بە هێزی باوەڕم دەردێم
+ بڵاو کرایەوە لە 2017/11/11 ـدا کاتژمێر 21:17 بەدەستی مانگەشەوی زرێبار
|
ڤەژینبوکس