٤٤٢٤
✓ مەولەوی (1806 - 1882)
تەئسیری خەیاڵ کردەی من سەردا
سستی شەرمەندەن سەرشی وە وەردا
سەنگی سەنگیبار تاوان زۆر کەردەن
پیری بەدنامەن قامەت خەم کەردەن
تەن کە خەمیاوە، یانێ دەستوورەن
وادەی هورێزنای گیان ئەو حوزوورەن
تاوان ڕای نەفەس ڕجا گرتەن لێم
کردە یاگەی دەس تەما ناستەن پێم
پای هەوەس تەزان، ئارەزوو مۆڵەق
مەندەن وە ڕەحمەت بێپایانی حەق
دامنەکەی ئاییر دەروونم تۆنی
وەی دوو فەردەوە موغەننی کۆنی
یا ڕەببی نەو شەو تاریکەی فانی
هەر تۆ وە کردەی بەدیم مزانی
ئای سوبحی مەحشەر سەرئەفگەندە وێم
شەرمەندەی حوزوور خودا و بەندە وێم
+ بڵاو کرایەوە لە 2022/1/6 ـدا کاتژمێر 20:23 بەدەستی مانگەشەوی زرێبار
|
ڤەژینبوکس