✓ زێوەر (1875 - 1948)

ماهی ڕەبیعول ئەووەلە ماهی مەسەڕڕەتە
ماهی تلووعی کەوکەبی چەرخی فتووەتە

ماهی زهووری گەوهەری بەحری مەعاریفە
ماهی غورووبی کەوکەبی مەنحووسی وەحشەتە

ماهی هیدایەتە بەرەکەتڕێز و فەیزخێز
فەخری مووەححیدینە کە ماهی وەلادەتە

ماهی وەلادەتی شەهـ و سوڵتانەکان نییە
ماهی ویلادەتی شەهی ئیقلیمی حیکمەتە

ماهی برووزی مەقدەمی پاکی موحەممەدە
جەژنی مووەححیدینە نیشانەی سەعادەتە

ئەو ماهی ڕۆژوو نییە دەم حەبس ئەکا لە نان
ئەم مانگی نای و نۆش و مەهی عەیش و عوشرەتە

عوود و بوخوور و سەدریی و چەمپار واجبە
تەهلیل و زیکر و هەلهەلەیە زیکری ئوممەتە

یاڕەب قودوومی خێر و شەڕەف بێ لەبۆ هەموو
ڕەحمێ پەیا بکا ئەوی ئەربابی سەروەتە

Kurdish_Poetry