٣٨٤٣
✓ شێخ حەمەمارف
ڕۆشنە لەلام زۆر باش ئەزانم
ڕێبواری ڕێگای دێی خامۆشانم
فریشتەی جوانی لە من تۆراوە
جنۆکەی پیری بووە بە میوانم
زۆری نەماوە بگەمە مەنزڵ
جێ بێڵم مەئوا و مناڵەکانم
ئاخۆ لە دوای خۆم ببێ و ڕێ کەوێ
کەسانێ بڵێن داخی داخانم
یا خۆ لە کاتی بیرەوەرییا
چەپەڵ باسی کەن ناوونیشانم
کاتی باسوخواس لە گۆڕی تەنگا
بە ڕەحمی خوا پاراوە زوانم
یا وەک جاندرمەی ڕووی ئەم دنیایە
چاوم ئەبەسن و بەر ئەبنە گیانم
+ بڵاو کرایەوە لە 2020/5/10 ـدا کاتژمێر 23:23 بەدەستی مانگەشەوی زرێبار
|
ڤەژینبوکس