٣٨٤٠
✓ ئەخۆل
فڕی تەیارەیی مەعشووق موقابیل بوو لەگەڵ بەدرا
کرا بومباردومانی دڵ لە بورج و قەلعەیی سەدرا
گەهێ بۆمبا گەهێ تۆپە، گەهێ شەستیرە هاڕەی دێ
ئەکا شاباش بەسەر سەرما لە وەختی نیوەڕۆ و عەسرا
بە ئەنگوستێکی شێرانە ئیشارەی کردە کۆهی دڵ
لەسەر ئەمری دڵم شەق بوو بەوێنەی تاقەکەی کیسرا
بە حەڵقەی زوڵفی سەر کوڵمی کە عارەق هاتبووە خوارێ
وەکوو قاتیلم و گیرابم قەنارەم بۆ هەڵاوێسرا
+ بڵاو کرایەوە لە 2020/5/9 ـدا کاتژمێر 23:16 بەدەستی مانگەشەوی زرێبار
|
ڤەژینبوکس