٣٤٨١
✓ حەمدی
میسلی نەی شێرانی دڵ ھەر یەک نەوایێ لێ ئەدەن
وەک جلووسی ساڵی تازەی کردبێ سوڵتانی دڵ
سووڕەتی ھەرچی کە چاوم دیویەتی گرتوویەتی
ڕۆژ دەڵێی زیزانەیە کەوتۆتە سەر خەرمانی دڵ
- میسل = وەکوو
- نەوا = ئاهەنگ، زیکر
- جلووس = دانیشتن، خەڵوە
- سووڕەت = وێنە، شێوە، ڕوخسار
- زیزانە = مرۆر، پاشماوەی گەنم
واتە: ئەهلی عیرفان و شێردڵان هەر یەک بە جۆرێ، بە ئاوازێ یادی خودا دەکەن. دڵیش کە حاکم و سالاری وجوودە چاوەڕێی نوێبوونەوەی دەکات.
بیناییم هەرچییەک کە بینیویەتی وێنەی گرتووە و بەڵام وێنەی خۆر لەچاو ڕووناکیی دڵی ئەم جۆرە شێرانەدا، وەک دەنکەزەنگیانەیەک وایە لەسەر خەرمانی دڵ.
+ بڵاو کرایەوە لە 2019/6/2 ـدا کاتژمێر 23:22 بەدەستی مانگەشەوی زرێبار
|
ڤەژینبوکس