٣٣٦٤
✓ مەزڵووم
مەعشووقی منە غەزال دولبەرم
مەحبووبی خۆمە شێوەی سەروەرم
چاوم چاوەڕێی فەرمانی عەینە
دڵ پەشێواوی خەمی زوڵفەینە
باخی ئیرەمم خەت و خاڵی لەیل
کانی گەوهەرم کەلامی بەمەیل
هەتا مەیلت بوو عەشقت لە سەرما
بەبێ مەیلی تۆ دڵ شەوقی نەما
پیشەی فەرهادە و مەجنوونە کارم
وێڵ و ئاوارەی کەژ و کۆسارم
کتێبە کەشکۆڵ، قەڵەمە عەسام
دەروێشی ئەکەم تا "يوم القيام"
«مەزڵووم»ـی بێکەس بێبەهرەوئیقبال
پشتیوانت بێ یەکتای "ذوالجلال"
Kurdish_Poetry
+ بڵاو کرایەوە لە 2019/3/13 ـدا کاتژمێر 21:30 بەدەستی مانگەشەوی زرێبار
|
ڤەژینبوکس