٢٨٩٣
✓ ویساڵی
دەمێکە من لە دووریی تۆ دەناڵم
مەگەر هەرگیز بێ دینێ بێ بە حاڵم
فوادي عندك يا نور عيني
لەکن تۆیە هەموو فکر و خەیاڵم
حَبيبا أن تصدقت بِقَولي
لە دووری تۆ نەماوە کەیف و حاڵم
وَ لو كنت غفلت عَن فِراقي
ئەمن هەر سوختەتەن کۆیی زوخاڵم
فلا تبعد و لا تقطع جناحي
قەتیش لێم دوور مەبە و مەشکێنە باڵم
کە بەینێکە بووە قەتعی مولاقات
بەدائیم شیفتەیی ئازوردەباڵم
حَرقتُ مِن فِراقَك فأعطَني الماء
شەو و ڕۆژ مونتەزیر ئاوی زوڵاڵم
تسمع صيحتي يوما و ليلا
ببیسە تۆ چریکە و ناڵەناڵم
فداك الروح و الجسم مع الملك
بەقوربانت بێ جان و مۆلک و ماڵم
فأرجوا وصلك بعد مماتي
لە قەبریشدا بەئۆممێدی ویساڵم
صرفت العمر من اوصاف عينك
لە وەسفت سەرف ئەکەم ئەوقات و ساڵم
فأنت غافل عني حبيبا
وەلی بۆ تۆ ئەمن ئاشوفتە حاڵم
فعقلي راح بعدك يا حبيبي
کە تۆ ڕۆشتی نەما عەقڵ و کەماڵم
ترحم بي فأني مستحق
لإجل الله، بکە ڕەحمێ بە حاڵم
فأبكي من وفور وجه قلبي
لەبەر ئێشی دڵم دایم دەناڵم
فقد صرت أسير الحزن و الغم
ئەسیری لەشکری حوزن و مەلالم
فأني واقع من تحب غمك
لەژێر باری غەمت هەمتایی داڵم
لساني أبكم في وصف حسنك
لە وەسفی ڕوویی تۆ ئێستاکە لاڵم
لە دووری تۆیە ئەی خورشیدی عالەم
زەعیف و کاسی و میسلی هیلالم
بە بادی سەرسەری هیجرانی تۆیە
کە وا پەژموردە بوو شەمعی جەماڵم
لەبەر ئیکمالی عەشقی ڕوویی تۆیە
کە وا غەرقی یەمی نەقس و کەماڵم
فاطلب قبلة من وجه خدك
لەوە زیاتر نییە مەقسوودی باڵم
فأن قلت هو أنت؟ قل لي
«ویساڵی» بێ ببۆسە خەتت و خاڵم
ڤەژینبوکس