٢٧٣٣
✓ جەوهەری
نە حیزبی کۆمەڵە و توودە نە پابەندی دیموکڕاتم
نە جوزوی نەهزەتی میللی نە ئەربابی سیاساتم
لەسەر ئەم عەرزە پانە مالکی یەک بستە خاکێک نیم
عەمامە و خەرقە و بەرماڵە ئەسباب و موهیمماتم
ئەمن پیرێکی حەفتاساڵە عومر و پێ لەسەر تابووت
هەمیشە قەبر و کفن و مردنە فیکر و خەیاڵاتم
لە حەد بانگم دەکا ئەی «جەوهەری» زوو وەختی هاتنتە
لە جوابدا پێی دەڵێم تۆ مونتەزیر بە وا منیش هاتم
+ بڵاو کرایەوە لە 2017/9/2 ـدا کاتژمێر 23:8 بەدەستی مانگەشەوی زرێبار
|
ڤەژینبوکس