٢٥٩٠
✓ خالید ڕەشیدپوور
هەر چی دەکەی بکە مەکە تەرکی دڵی هەژاری من
هەر کوێ دەڕۆی بڕۆ مەڕۆ بۆ لای دژ و نەیاری من
هەر چی دەخۆی بخۆ مەخۆ خەمی ڕەشایی چاری من
هەر چی دەدەی بدە مەدە تانە لە ڕۆژگاری من
هەر چی دەگری بگرە مەگرە ڕیگە لە گریە و زاری من
هەر چی دەبڕی ببڕە مەبڕە پێ لە ژوان و هەواری من
هەر چی دەدڕی بدڕە مەدڕە پەردەی دڵی خوێنباری من
هەر چی دەبەی ببە مەبە لە دڵ سەبر و قەراری من
هەر چی دەبی ببە مەبە بە پاییز ئەی بەهاری من
هەر چی دەڵێی بڵێ مەڵێ کارت چ بوو بە کاری من
+ بڵاو کرایەوە لە 2017/5/24 ـدا کاتژمێر 22:46 بەدەستی مانگەشەوی زرێبار
|
ڤەژینبوکس