٤٣٥٦
✓ ئەحمەد موختار جاف (1896 - 1935)
ڕەقیبی سەگ هەتا چاوم کلا کرد
منی دووچاری سەد دەرد و بەڵا کرد
نیگار وەک ئاسکی وەحشی وەهابوو
دەمودەس چۆن لەگەڵ خۆی ئاشنا کرد
کە دیمی ڕووی لە من چەرخان و ڕۆیی
بەهانەی ڕۆینی، شەرم و حەیا کرد
شوکور ئەو شۆخە دەردی عاشقی زار
بە ماچی لێوی شیرینی دەوا کرد
کە تۆ ڕۆییت دڵی بێچارەیی من
ویداعی خۆی لەگەڵ عەیش و سەفا کرد
نە تەنها «ئەحمەد» ـی بێچارە ڕووتە
قوماری عیشقی تۆ زۆری گەدا کرد
+ بڵاو کرایەوە لە 2021/8/18 ـدا کاتژمێر 22:58 بەدەستی مانگەشەوی زرێبار
|
ڤەژینبوکس