٢١٤٣
✓ مەحوی
بەسەر ڕوخساری زەرددا جۆگەلەی کێشاوە ئەشکی سوور
بەیادی سەروی باڵایەک ئەوەندەم شین و زاری کرد
وتوویانە کە نان ئەو نانەیە ئەمڕۆ لەسەر خوانە
چووە چوو پێ چووە کەمعەقڵە ھەر کەس باسی پاری کرد
قسەی زوڵفی ئەوەندە توولی کێشا تاقەتی چوو خۆی
وتی شەو نیوە بوو نەبڕایەوە کێ باسی ماری کرد
لەبۆ ئیمدادی گریانم دەروونی کردمە خوێناو
لە چاوم سەیری کەن ئەم حوکمە جەرگ و دڵمی جاری کرد
+ بڵاو کرایەوە لە 2016/9/20 ـدا کاتژمێر 23:48 بەدەستی مانگەشەوی زرێبار
|
ڤەژینبوکس